આરોગ્ય અને પરિવાર કલ્યાણ વિભાગ, ગુજરાત સરકાર દ્વારા આયોજિત ઓરી-રૂબેલા રસીકરણ અભિયાન અંતર્ગત એક શાળા/શિક્ષકની ભૂમિકાના ભાગરૂપે વલસાડ જીલ્લાના કપરાડા તાલુકાના હેલ્થ સેન્ટર ખાતે આયોજિત તાલીમમાં મોડેલ સ્કૂલ માંડવાના મ.શિ. ટંડેલ અંજનાબેન પી. અને મહીડા કૈલાસભાઈ છગનભાઈ એ ભાગ લીધો. તાલીમમાં રસી વિશે, ઓરી-રૂબેલા રોગ વિશે, તેના લક્ષણો, તેના દ્વારા અનુભવાતી મુશ્કેલીઓ અને તેના નિદાન-ઉપચાર અંગેનું માર્ગદર્શન આપવામાં આવ્યું.
તાલીમ બાદ શાળાના બાળકો તથા શિક્ષકો ઓરી-રૂબેલા રસીકરણ અભિયાન થી માહિતગાર થાય તે હેતુથી તાલીમ પામેલ શિક્ષકો ટંડેલ અંજનાબેન પી. અને મહીડા કૈલાસભાઈ છગનભાઈ દ્વારા સમજ આપવામાં આવી.
તા.૦૭/૦૭/૨૦૧૮ના દિવસે શાળામાં વાલી મીટીંગનું આયોજન કરવામાં આવ્યું. જેમાં ઓરી-રૂબેલા રસીકરણ અભિયાનની વાલીઓને વિસ્તૃત સમજ આપવામાં આવી. તેમજ તમામ બાળકોને રસી મુકાવવા માટે વાલીઓની સંમતિ લેવામાં આવી.
No comments:
Post a Comment