સયુંકત રાષ્ટ્રસંધ દ્વારા યોગને વૈશ્વિક સ્તરે સામેલ કરેલ છે. જે અનુસાર દર વર્ષે ૨૧ જુન “વિશ્વ યોગ દિવસ” તરીકે ઉજવવાનું નક્કી કરવામાં આવ્યું. જે અંતર્ગત મોડેલ સ્કૂલ માંડવામાં ૨૧ જુન ૨૦૧૮નાં દિને સવારે ૭:૦૦ કલાકે “વિશ્વ યોગ દિવસ”ની ઉજવણી કરવામાં આવી. જેમાં શાળાનાં ધોરણ ૬ થી ૧૨નાં કુલ ૨૨૦ જેટલા બાળકો, શૈક્ષણિક -બિન શૈક્ષણિક સ્ટાફ, વાલીઓ ઉપસ્થિત રહી “વિશ્વ યોગ દિવસ”ની ઉજવણીમાં ભાગ લીધો હતો. ૨૧ જુન “વિશ્વ યોગ દિવસ” અંતર્ગત વ્યાયામ શિક્ષકોને એક દિવસની તાલીમ જિલ્લા કક્ષાએ આપવામાં આવી હતી. તાલીમ પામેલ શિક્ષકશ્રી અનાગત વધેલા દ્વારા બાળકોને ઉજવણી અગાઉ વ્યવસ્થિત તાલીમ આપવામાં આવી.
સદર કાર્યક્રમને કુલ ૬(છ) ભાગમાં વહેચવામાં આવ્યો હતો. ભાગ-૧ માં પ્રાર્થના, ભાગ-૨ માં ચાર યૌગિક ક્રિયાઓ, ભાગ-૩ માં વીસ આસનો, ભાગ-૪ માં ચાર પ્રાણાયામો, ભાગ-૫ માં ધ્યાન અને ભાગ-૬ માં સંકલ્પ અને શાંતિપાઠનો સમાવેશ કરવામાં આવ્યો. આચાર્યશ્રી એન.એચ.ઠાકરે દ્વારા યોગ કરતી વખતે ધ્યાનમાં રાખવાની બાબતો તથા જીવનમાં યોગનું મહત્વ વિશે વિસ્તૃત સમજ આપવામાં આવી.
